Ғылыми-өндірістік трансфузиология орталығының қызметкерлері сауда орталығының келушілеріне қан тобы мен резус-факторын анықтауға көмектесті.

Осы күні шамамен 80 адам өз қаны туралы маңызды ақпарат алды. Көпшілігі бұрын бұл жайында ойланбағандарын айтты. Ал кейбіреулері алғаш рет өз көрсеткіштерін білді.

Қан тобын анықтауға ниеттілердің арасында 18 жасқа толмағандар да аз болмады. Алайда, ережеге сәйкес, біз тек кәмелет жасына толған азаматтарды донор ретінде қабылдаймыз. Дегенмен, болашақта олардың да қан тапсырып, біреудің өмірін құтқаратынына үміттенеміз.

Біздің акцияларымызды қадағалап, бізге қосылыңыз – бірге біз өмірлерді құтқара аламыз.